O‘zbekiston Respublikasi Konstitutsiyasining 30 yilligi munosabati bilan Adliya vazirligi va Yoshlar ishlari agentligi tomonidan Umummilliy Konstitutsiya imtihoni o‘tkaziladi. 

Imtihonda barcha ishtirok etishi mumkin.

Tanlovda ishtirok etish uchun 8-dekabr.adliya.uz saytida ro‘yxatdan o‘tiladi (15-noyabrdan 25-noyabrgacha).

Tanlov quyidagi 2 bosqichda 3 ta toifa uchun alohida tashkil etiladi:

🔹 birinchi bosqich – test sinovlari:
 
▫️ umumta’lim maktab, akademik litsey va texnikum o‘quvchilari uchun – 26-noyabr soat 9:00 dan 14:00 gacha;
▫️ huquqshunoslar va oliy ta’lim muassasalarida huquqshunoslik mutaxassisligi bo‘yicha o‘qiyotgan talabalar uchun – 27-noyabr soat 9:00 dan 14:00 gacha;
▫️ boshqa barcha fuqarolar uchun – 28-noyabr soat 9:00 dan 14:00 gacha;

🔹 ikkinchi bosqich – suhbat.

Test sinovida 8-dekabr.adliya.uz sayti orqali onlayn tarzda ishtirok etiladi. 
Test sinovi 20 ta test savoli va 1 ta ijodiy savoldan iborat. Test savollariga eng qisqa muddatda to‘g‘ri javob bergan ishtirokchilar orasidan 30 nafari tanlab olinib, ularning ijodiy savolga javoblari ko‘rib chiqiladi. 

Baholash natijasiga ko‘ra, eng yuqori ball to‘plagan 10 nafar ishtirokchi keyingi bosqichga o‘tadi.

Ikkinchi bosqich (suhbat) 8-dekabr – Konstitutsiya bayrami arafasida tashkil etiladi.

Suhbat jarayonlari onlayn translyatsiya qilinadi. 

G'oliblar quyidagi qimmatbaho sovg'alar va diplom bilan taqdirlanadi:
1-o‘rin – Noutbuk
2-o‘rin – Televizor
3-o'rin – Mikroto'lqinli pech

Tanlovda faqat bitta akkauntdan ishtirok etishga ruxsat etiladi. Ishtirokchi keyingi bosqichga o‘tish vaqtida turli akkauntlardan qatnashgan holatlar aniqlangan taqdirda,  natijasidan qat’i nazar, imtihondan chetlashtiriladi.